Boetes in West-Vloanderen

[conducteur]

Komme kik gistern ut het "Krutvat" in Ieper en stoat er do ne fliekk e
boete te schrieven.
'k Zeggen tegen em: awel ist ol daje te doen et?
Sukkels pakken die stille stoan in platse van die die te rap rien ?
Woarop dat ie een nieuw brieftje pakt en were begint te schrieven.
Smaad aan de politie zeker ?
En ne stikt da brieftje tuschen de rutewaschers.
'k zeggen tegen em: gaon we dadde azo spelen, kleingjeestig vintje???
Wie peizje gie wel dajje zied?
Woarop dat ie were een brieftje pakt en begint te schrieven en were
tussen de rutewascher stikt.
'k Zegge tegen em: 't is niet om dajje e blow uniformtje draagt
dajje moe peizen daj gie olles meugt doen é, scheve lavabo, strandjanette,
onderkruper...
En were pakt ie een brieftje en begint te schrieven en were stikt ie dat
tussen de rutenwascher.
Pffffffffffffffff , kzin mien karre gedroaid , ie mochte schrieven zo vele
dat ie wilde,
't was toch mien oto niet ......'k wosse kik met de velo.